رئيس مجلس الإدارة
محمود إسماعيل
الإشراف العام
أحمد الهواري
رئيس مجلس الإدارة
محمود إسماعيل
الإشراف العام
أحمد الهواري

تامر حسنى يدعم مزاد علاج مرضي ضمور العضلات

تامر حسنى
تامر حسنى
نشر الفنان تامر حسني، مقطع فيديو عبر حسابه الشخصي "انستجرام"، لأحد الأشخاص يدعي "حسين الجوهري"، والذي وجه نداء خاص لتامر لدعم مزاد علاج مرضي ضمور العضلات عبر برنامج "القاهرة والناس"مع الإعلامي خيري رمضان.

وعلق تامر: "يا حسين يا حبيبي انا معاك و بدعمك و بدعم حملتك الإنسانيه الساميه و سلامي لصديقي و حبيبي استاذ خيري رمضان و عندي فكره اتمنى رعايتها و دعمها من اجل كل مريض فكره مش هتخلي مريض واحد في مصر يمد ايده لحد".

وأضاف: "لو مليون مصري اشترك فيها هنحل ازمة الامراض المكلفه في مصر كلها ،، مليون مصري بس من ال ١٢٠ مليون مصري هيتطوعوا على حساب معين للتبرع و هيكون في لجنه مسؤولة من جهه رسميه مسؤولة في الدوله بتقيم الحاله مادياً و المليون مشترك دول هيكونوا بيتبرعوا بشكل دائم كزكاة عنهم و عن اولادهم لخدمة مجتمع كامل و ممكن نسميها مثلاً صفحة المليون أخ ،،، كل ما تظهر حاله محتاجه رقم صعب الصفحه هتدرسها و تعلن عن الحاله وتكلفتها التبرع هيبقى في حدود من ٢٠ جنيه ل ٤٠ حسب الحاله بس ساعتها اول ما هنعلن هنجمع الفلوس في ثانيه لكل المحتاجين و كل المقتدرين اللي ربنا هينور قلوبهم و هيشتركوا في الحساب ده ،،، مش هيحسوا انهم دفعوا حاجه بس هينقذوا حياة اطفال كتير وناس كتير محتاجه".

وأوضح "مين عارف جايز الفكره دي تخلي مفيش ولا واحد مريض في مصر مش لاقي يتعالج و جايز المليون مشترك يكتروا ،،والله والله والله دي فكره بسيطه مش هتكلف حد بس هتخدم ناس كتير هتخدم بلد هتخدم كل المحتاجين و نخليهم ميمدوش ايديهم لحد يكسفهم ، ربنا خلقنا عشان نساعد بعض و زي ما علمنا رسولنا الكريم .. خير الناس انفعهم للناس يعني ربنا بيحب الناس اللي بتنفع الناس و اي صدقه بتخرج من اي حد مستحيل تنقص ماله بالعكس هيضاعفها ربنا في رزقه و هيكرمه و يطهره و يرفع عنه بيها يارب الفكره دي تتحقق".