إيناس الدغيدي: حجيت مرتين وعملت 30 عمرة
الجمعة 05/أبريل/2024 - 04:09 ص
وشوشة
جيجي محمود
علقت المخرجة إيناس الدغيدي على علاقتها مع ربنا وتصريحاتها الدينية المثيرة للجدل، قائلة: عندي أفكار معينة عن ربنا، قلت قبل كده العلاقة بيني وبين ربنا اللي بتاخدها الناس باستهزاء، الناس واخدة جرأتي اني متكلمش عن ربنا عشان الحتة الدينية، وعلاقتي قوية جدًا بربنا، وكل يوم بشكر ربنا رغم اني مش متدينة وعندي جملة خدتها من علم الطاقة، انا بدرس طاقة اونلاين والجملة هي، اللهم اني أحبك فأحببني فيك أكثر ياالله، الجملة دي ممكن أعيط فيها، بقولها طول مانا سايقة لوحدي لأني بحب أسوق، بحس إني في علاقة بيني وبين ربنا، عشان كل اللي بيتقال عليا.
وقالت المخرجة إيناس الدغيدي، خلال استضافتها ببرنامج "أسرار" مع الإعلامية أميرة بدر المذاع على قناة النهار، مبسمعش شيوخ، ولو سمعت مبديلوش أي اهتمام، ووالدي طول حياتنا كان بيكلمنا في الدين، وكان رجل متفتح ومن طفولتي بتعلم دين، حجيت مرتين وبتاع 30 عمرة، اول مرة رحت حسيت بحاجة غريبة لكن بعد كده بتبقى طقوس اكتر من احساس، ومدعيتش عشان كنت بعيط، وطلبت الشهرة والفلوس والمجد، وعمري ما ندمت على أي حاجة صرحت بيها ومش ندمانة على أي فعل، بما فيهم الأفعال اللي مش كويسة في نظر الناس، الخطأ والصواب بنتعلمه، ومش ندمانة على تصريح الحجاب، ووالدتي ماتت 80 سنه ومش محجبة ومش معناه انها مش كويسة، والدين متدين جدًا وكنا نلبس ميني جيب، وأنا في الحج رحت بشعري وأول مانزلت هناك اتحجبت ومكنتش طايقة، مبهتمش أشوف فرض ولا لا، المهم أنا عايزة ولا لا، وعملت الخط بتاع الحجاب ده في فيلم امرأة واحدة لا تكفي.
