رئيس مجلس الإدارة
محمود إسماعيل
الإشراف العام
أحمد الهواري
رئيس مجلس الإدارة
محمود إسماعيل
الإشراف العام
أحمد الهواري

بعد ندمها على ماتجرحنيش.. بهاء الدين محمد يرد على شيرين عبدالوهاب

وشوشة
وشوشة
رد الشاعر بهاء الدين محمد علي شيرين عبد الوهاب بعد ردها علي الجمهور عن ما هي الأغنية اللي ندمت عليها لترد شيرين أغنية ماتجرحنيش.

وكتب بهاء علي صفحته الرسمية الفيسبوك : مش متعود أرد على أى حد.. ولكن لما حد يتجاوز حدوده لازم يقف مكانه ويعرف إنه مهما إتعود يغلط لازم ييجى عند بعض الأسماء ويحاسب ويخلى باله وخاصة لما حد في كل كارثة يدافع عنها وحأتكلم بإختصار جدا.

وأضاف المشهد الأول : أول يوم دخلت شيرين عبدالوهاب مكتبى كانت مع الأستاذ نصرمحروس اللى هو صاحب الفضل ف تقديمها وبعد دقائق من اللقاء لقينا شيرين بتبكى وسألها نصر بتعيطى ليه ردت علشان أنا قاعده مع الأستاذ بهاء.

والمشهد الثانى : رشحتها تغنى كتير بنعشق ولولا موافقة نصر إحتراما للعشرة اللى بنا ماكانتش ح تغنيها لأنها كانت موقوفه من النقابة.

المشهد الثالث : لما فوجئت بمدير أعمالها الرجل اللى أنا بأحبه وبأحترمه لقيته بيكلمنى نيابه عنها ويقولى سمعنى الجديد وده طبعا خطأ لأن اللى بيغنى مهما كان إسمه مش المفروض يغلط غلطه زى دى !!! لأن المشهد ده مش لايق على المشهد الأول.

المشهد الرابع والأخير : أغنية #ماتجرحنيش أنا لحد الأن مش عاجبنى غُنا شيرين مع إحترامى الكامل لصوتها وأكيد لولا الأستاذ نصر ماكانش ح يتم اللقاء . وماتجرحنيش من أهم أعمالى ومن حقى أدافع عنها نتاج تهور اللى غنيتها.

واختتم وكمان لأول مره ألاقى حد بيحارب نَفسه وبيغلط فى مبدعين إشتركوا فى صناعته !!!، وعشان أكتب الكلام ده يبقى شيرين غلطانه كالعادة بس كان لازم أقولها ماتعمليش كده تانى وأنتى بتكبرى بس مش ح تعدى حدود حجم بعض الأسماء ولا أعمالهم .