بهجت عدلي: الفن مالوش أمان‎

بهجت عدلى
بهجت عدلى
تحدث الفنان بهجت عدلي، عن دور نقابة المهن التمثيلية في تشغيل الفنانين، كما كشف أنه كان من المقرر أن يشارك في مسلسلي العتاولة وصلة رحم، الذي تم عرضهما في السباق الرمضاني الجاري.

وقال بهجت عدلي، في لقائه مع الإعلامية إنجي هشام، في برنامج "المنسي" المذاع عبر شاشة قناة "هي": الفن مالوش أمان بمعنى أن الفن يخليك تعوز وتحتاج، أصل ده بمزاجك ومحدش غصب عليك أنم تدخل الفن، مع احترامي لكل الشخصيات اللي بتكتب أنهم مش لاقيين شغل أنا مبحبش ده، والنقابة مبتشغلش حد، أشرف زكي بيعمل حاجات تانية يشكر عليها.

وتابع: إحنا كجمعية عمومية مش عايزين غير أن النقابة تطبق القانون والشركات تشغل 10 %، ولكن في شللية موجودة ومجموعات كتير، ولو النقابة تقول مفيش أكتر من 10 % كله هيشتغل، والقانون مبيتطبقش، ودكتور أشرف زكي بيعمل كاستينج وبيروج للممثلين تاني، في ناس قاعدة في بيوتها مش لاقية تاكل وهما أعضاء نقابة.

وأضاف: أنا ملجأتش لـ أشرف زكي في الوقت اللي مكنتش بشتغل فيه لأني مبحبش ده، وأنا واثق أن دكتور أشرف شايف أن في ناس كتير محتاجة أكتر مني، ولكن كنت بكلم المنتجين الكبار.

وأردف: رفضت أدوار كتير على الرغم من الحاجة المادية لأن الأدوار مكنتش مناسبة ليا، وفي منهم دور في مسلسل معروف وكنت في أشد الاحتياج.

واختتم: أنا اتوعدت أني هشتغل في العتاولة، والمخرج تامر نادي وعدني أشتغل في مسلسل صلة رحم، ومشتغلتش فيهم، ونفسي أعمل دور قاضي فاسد.