عادل الخضري: أنا السبب في غيابي.. وناس كتير حاربت نجاحي‎

وقال عادل الخضري، في لقائه مع الإعلامية إنجي هشام، في برنامج "المنسي" المذاع عبر شاشة قناة "هي": أنا السبب في بعدي عن الساحة الفنية، ومش هقول ظروف خاصة ولكن حسبي الله ونعم الوكيل في ناس لا داعي لذكر اسمائها هي اللي عملت معايا كده، وعاجلًا أم آجلًا الحق هيرجع لأصحابه، ولو مرجعش في الدنيا بيرجع في الآخرة.

وتابع: ناس كتير حاربوا نجاحي شعراء وملحنين ومتعهدين، واعتمدت على أخويا في الإنتاج لأن روحت لشركة إنتاج وسمعتهم ألبوم قالوا حلو ولكن هناخد منه أغنية واحدة بس اللي هي أيوب زمانه راح، قالولي هنعمل لك زي ما عملنا لـ حكيم.

وأضاف: وقررت أني هنزل الألبوم في أي شركة من شركات الإنتاج، وشوية لاقيت حكيم في كل عربيات مصر، ولما سمعت ألبوم حكيم وقارنته بالألبوم بتاعي لاقيت الألبوم بتاعي ضعيف جدًا ومينفعش ينزل، وعيدت حساباتي من جديد.