عصام صاصا: معرفتش إن صوتي حلو غير من القرآن
الجمعة 22/مارس/2024 - 04:40 ص
عصام صاصا
جيجي محمود
علق مطرب المهرجانات عصام صاصا على دخوله المجال الفني قائلًا: "اشتغلت على توك توك أكتر من سنتين، وبدأت انا وواحد صاحبي، ابتدى الحوار من 3 إعدادي، وصاحبي كان بيقعد مع موزعين، وحبوا يعملوا حاجة لأول مرة، فا قلت لهم تعالوا البيت عندي لانهم مش لاقيين مكان، ومعرفش إن صوتي حلو غير من القرآن لكن مكنتش جربت أغني، قلت اقعد اتفرج مش أنا اللي هغني يعني".
وقال عصام صاصا، خلال استضافته ببرنامج "أسرار" مع الإعلامية أميرة بدر المذاع على قناة النهار: "دخلت أجرب، ومكنش ف دماغى إنى هوصل، وكنت بنزل الأغاني باسم عصام طه مكنتش أبقى صاصا لسه، وكنا احنا الاتنين بنعمل الأغاني و مفيش تالت يسمعنا، وصاحبي عبده روقة سبب من أسباب إني أبقى عصام صاصا، والكلام ده من 7 سنين، ومكنش ف نيتي أصلا إني أبقى كده ومعرفش إن أول أغنية تنجح نزلت عاليوتيوب أصلا.
وأضاف صاصا قائلًا: "نقعد نحط الكوبليه في يوم، وفي خيالي كبيري 1000 واحد هيسمعني، لقيتها نزلت على تيك توك ايام ما كان اسمه ميوزكلي، وجابت ملايين واخري افتح الواتساب، وبعدها موقع مهرجانات تواصلوا معايا، ورحت قعدت معاهم، وقالولي هناخد منك الشغل وننزله على يوتيوب وتبقى بتاعتنا، ومكنتش اعرف انهم هيكسبوا فلوس من اليوتيوب ، معرفش انه بيجيب فلوس اصلا".
