خميس شعبان عبد الرحيم: ناس كتير ضد نجاحي
الجمعة 22/مارس/2024 - 04:33 ص
خميس شعبان عبد الرحيم
جيجي محمود
كشف الفنان خميس شعبان عبد الرحيم، عن أمنيته موضحًا أن هناك الكثيرين ضد نجاحه، بجانب الكشف عن مطربه المفضل من بين مطربين المهرجانات الشعبية.
وقال خميس شعبان عبد الرحيم، في لقائه مع الإعلامية إنجي هشام، في برنامج "المنسي"، المذاع عبر شاشة قناة "هي": حمو بيكا سبب شهرة مطربين مهرجانات كتير، وهو اللي جابهم يغنوا معاه واتعرفوا، وعدوه وهو السبب الأساسي في شهرتهم، أنا مفيش معاملة بيني وبينه، ولكن دي الصراحة اللي أنا شايفها.
وتابع: أنا نفسي أعيش ومحدش يضايقني ولا أضايق حد، ومحدش له دعوة بيا، اللي بيضاقوني كتير، وناس كتير ضد نجاحي واللي بينافسوني المفروض فاهمين أني الوحيد التؤام بتاع أبويا، ومفيش منافسة في الحتة دي.
وكشف خميس شعبان عبد الرحيم، عن أمنيته في التمثيل، قائلًا: أنا أبويا مديني شهادة تقدير في كل البرامج بصوته أني طالع زيه، ومفيش حد يقدر يكذب أبويا، نفسي أمثل ولو حاجة جت من عند ربنا وحسيت أنه هيمشي معايا هعمله، ممكن أعمل دور كوميدي أو زي أبويا، أو زي الفنان محمد رضا وألبس جلابية وشنب.
