بوسي: "طليقي عمل لي سحر عشان يسيطر عليا"
الإثنين 11/مارس/2024 - 10:41 م
بوسى
جيجي محمود
علقت الفنانة بوسي، على تصريحات شقيقة طليقها الراحل وليد فطين، قائلة: "أنا مقدرش أجيب سيرة والد ابني بأي شيء سيئ"، مشيرة إلى أنه توفى أثناء وجوده في السجن.
وأضافت من خلال لقائها مع الإعلامية بسمة وهبة ببرنامج "العرافة" المذاع على قناة النهار، أنها تعرفت عليه لأنه كان يعمل في شارع الهرم وأنا وقتها كنت شغالة في الزقازيق وفيه أشخاص نصحوني بالتعرف عليه لإدارة شغلي في شارع الهرم ومن هنا اتعرفنا على بعض واشتغلنا سوا لكن هو كان شخص طماع ولف عليا واتجوزني بطريقة ما وكنت وقتها عيلة صغيرة عندها 19 سنة.
وأشارت إلى أن ما جعلها تتزوج من "فطين" هو الهروب من خالها وسيطرته عليها، مضيفة"كان بياخد كل شقايا".
وتابعت: اكتشفت بعد كده أن "فطين" اتجوز عليا رقاصة عشان ياخد فلوسها وكان بياخد مني فلوسي ونقطتي كلها ويديني 400 جنيه ووقتها أنا كنت بلا إرادة وكان عامل لي "عمل قذر" عشان يسيطر عليا وكان ممضيني على شيكات عشان يسيطر عليا مكنتش بقول غير حاضر ونعم.
