تامر هجرس: "نفسي أقدم عمل تاريخي"
الجمعة 15/سبتمبر/2023 - 02:47 م
تامر هجرس
جيجي محمود
قال الفنان تامر هجرس، إنه كان يتمنى أن يصبح ضابط شرطة في صغره، ولكنه اتجه إلى التمثيل، مشيرا إلى أنه يستيقظ لصلاة الفجر دائما لأنه يشعر أنها تنقي الروح.
أضاف من خلال لقائه في برنامج "وشوشة" المذاع عبر شاشة "النهار": "أنا بصحى الفجر دايما.. البني آدم لازم يكون له صلة بربنا، بحس في صلاة الفجر إني روحي بتنضف كل يوم مشاكل وخناقات كتير فتيجي الفجر كل حاجة بتتغسل ويومك بيبقى جميل أنا بسميه مديتيشن وده بيبقى قرآن وعبادة وبعد كده بروح ألعب رياضة".
وقال: "كان نفسي أبقى ظابط من الأفلام اللي بتفرج عليها كنت بقول أنا هبقى ظابط ولما كنت بلعب مع صحابي وإحنا صغيرين كنت ببقى أنا الظابط ودايما كنت بختار اسم مختار وعملت مسرحية في المدرسة عملت ضجة كبيرة فحسيت إني بحب ده وركزت فيه".
وتحدث هجرس عن رغبته في تقديم عمل تاريخي: "عايز أعمل دور تاريخي حاجة قوية وعميقة بس تتعمل صح وتعبر عن تاريخنا كعرب مش لازم تبقى حاجة إسلامية بس تبقى تاريخ عربي مهم أوي حاجة تاريخية لينا زي فيلم الرسالة".
