نجيب ساويرس: "الجونة السينمائى" مش مهرجان فساتين.. والدورات الجاية أسهل
الأربعاء 13/أكتوبر/2021 - 07:18 م
أميرة عبدالهادى
كشف رجل الأعمال المهندس نجيب ساويرس، عن حجم النجاح الذي حققه مهرجان الجونة السينمائي في دوراته السابقة وصولا للدورة الخامسة، التي تنطلق غدا الخميس.
وأضاف خلال حديثه بالمؤتمر الصحفي لـ مهرجان الجونة السينمائي في دورته الخامسة: "اللي احنا وصلنا له نجاح هايل، ودلوقتي مفيش حد ما سمعش عن مهرجان الجونة، ولما رحت مهرجان كان والمهرجانات الأخرى لقيت الناس كلها عارفة المهرجان".
وتابع:"عايزين نخلص من التسطيح وكلام إنه مهرجان الفساتين، واللي بيقولوا كده دول هما اللي مجوش المهرجان، وصعب جدًّا إننا نتحصل على أفضل الأفلام العالمية في السنة إلا لو كنا ناجحين".
وأكمل:"ولو المهرجان ملهوش قيمة محدش هيجيلنا، وكل النجوم العالميين حضروا المهرجان، السنين الجاية للمهرجان هتكون أسهل لأننا أثبتنا جدارتنا".
