رئيس مجلس الإدارة
محمود إسماعيل
الإشراف العام
أحمد الهواري
رئيس مجلس الإدارة
محمود إسماعيل
الإشراف العام
أحمد الهواري

بعد إثارتهما للجدل.. رامى جمال يعتذر لزوجته: "غلطت فى نشر حياتى للعلن"

رامى جمال
رامى جمال
اعتذر المطرب رامي جمال، عبر صفحته الرسمية علي "إنستجرام"، لزوجته، بعدما أثار منشور سابق له الجدل بين الجمهور، وتعرض للهجوم، بعدما قال إن عيد ميلاد زوجته يتزامن مع ذكرى زلزال ١٩٩٢، وأيضاً حدوث البرق والرعد في الأيام الماضية.

وكتب "جمال" في منشوره الجديد، قائلاً:"آسف لو تضايقتي يوم عيد ميلادك مني بشكل مباشر أو غير مباشر.. أصابني عدم التوفيق في استخدام كلامك وهزار اعتبره البعض استهزاء، وانتقاصا من أهم شخص في حياتي رغم أني عارف وواثق في تفكيرك وطبيعة حياتنا اللي بمميزاتها وعيوبها قررت أنها تكون مش للعلن".

وأضاف: “الآراء السلبية اللي شفتها واللي إنتى شفتيها لمجرد محاولتك إثبات إن كلامي عنك هو أصلا بوست ليكي قبل البوست بتاعي جدعنة منك غير مستغربة للأسف قوبلت بأنك شفتي فعلا كلام من البعض يضايق وبما إننا عايشين مع ناس ف اأنا بعتذر لك عن اللي حستيه بسبب هزار عارف إنك قابلاه بس من حب ربنا فيكي ومن سوء التوفيق ليا أن الناس شافته إهانة وقررت تدافع عنك.. من غير كلام كتير أسف لك وآسف للي ضايقهم الموضوع وشكرا جدا ليكي واللي فهموا قصدنا من الأول”.

واختتم رامي جمال تعليقه قائلا: "بس الدرس المستفاد إني غلطت في نشر حياتي للعلن أوعدكم مفيش كلام غير في اللي بشتغل فيه، بحبك".
لترد زوجته، ناربمان علي المنشور قائلة: "مش عارفة بتتأسف ليه وعلي إيه وبقولك تاني طريقة هزارك مش بتضايقني ولا هزاري معاك بيضايقك ولا يضايق الناس... مش محتاجة أسف وأنا بحبك زي ما أنت".