أحمد شيبة: كتاب حياتى سطوره عذاب.. واشتغلت سمكرى وبتاع دوكو فى ليبيا
الجمعة 17/سبتمبر/2021 - 11:11 ص
أميرة عبدالهادى
قال المطرب الشعبي أحمد شيبة: "كتاب حياتي فيه سطور كتير عذاب ومريت بكل حاجة واشتغلت كل حاجة لكن بالحلال".
وأضاف خلال لقائه ببرنامج "معكم" الذي تقدمه الإعلامية منى الشاذلي بقناة "سي بي سي": "اشتغلت سمكري ولقيت فيها فن، وكنت بقطع بالمقص وتيجي عربية مخبوطة وأجيب كرتونة وأرسم وأفنن وكنت عايز أعمل مستقبل لنفسي قبل ما أغني".
وتابع: "اشتغلت سمكري وبتاع دوكو في ليبيا، مع شخص صاحب بنزينة بيصلح سيارات اللي جاية من الحوادث، وكنت بتعب وأسافر وآجي كل شهر من ليبيا أزور والدتي وأرجع تاني، وفتحت ورشة هناك".
ولفت: "وأنا بشتغل كنت طول الوقت بغني بصوت عالي مع نفسي وأدندن لحسن الأسمر وجورج وسوف".
