شيكابالا مهاجما مسئولى الكرة: "20 سنة بتعرض للعنصرية ومحدش بيجيب لى حقى"
السبت 04/سبتمبر/2021 - 11:51 م
أميرة عبدالهادى
قال كابتن نادي الزمالك محمود عبدالرازق شيكابالا، إنه تربطه بلعيبة الأهلي علاقة صداقة واحترام، لكن الإعلام لا يوصل هذه الصورة للجمهور، ويحرص على رسم صورة أخرى.
وأضاف شيكابالا، خلال لقائه ببرنامج "الحكاية" المذاع عبر فضائية "إم بي سي مصر": "صحابي أهلاوية، كلنا خارج الماتش كلنا أصحاب، وبعد إفريقيا روحت لموسيماني قلت له مبروك، لكن الإعلام مبيجبش ده".
وعن اشتباكه مع جمهور الأهلي، قال شيكابالا: "لو المسئولين عن الكرة وقفوا التجاوزات مكنش ده اتكرر، لو بلعب في نادي تاني، كان الموقف اتاخد من 20 سنة، 20 سنة بتهاجم محدش بيجيب لي حقي، كل ماتش بأروحه بيتكرر نفس الموقف، أنا بس اللي بتوقف، رغم تجاوزات عنصرية في حقي وحق أسرتي ابني ومراتي، واللي بيحصل معايا زيادة، بتوصلني دايما رسايل يا رب ابنك يحصل فيه كذا".
وأردف: "في التقرير مكتوب إن خفض العقوبة لممارسة عنصرية ضدي، يعني أنت بتوقفني أنا لممارسة عنصرية ضدي؟".
وتابع: "لو عارف المسئولين هيجبوا لي حقي مش هرد، لكن محدش بيجيب حقي".
