رامى صبرى عن "حالة اكتئاب": "دايمًا كنت بقول لكريم نغنى مع بعض"
الأحد 01/أغسطس/2021 - 09:42 م
علياء أحمد
كشف المطرب رامى صبري، عن كواليس الدويتو الجديد الذى خصصه لشقيقه الراحل كريم صبري، بعنوان "حالة اكتئاب"، عبر حسابه الشخصى بموقع إنستجرام.
وكتب صبري قائلاً: "هتسمعوا دويتو حالة اكتئاب اللي كلنا حضرناه في الفترة اللي فاتت بعد وفاة أخي الغالي كريم صبري، دايمًا كنت بقول لكريم نغني مع بعض وهو كان بيرفض لسبب إنه عاوز يغني أول أغنية من غير مساعدتي وده كان من وجهة نظره اللي مكنتش مقتنع بيها".
وأضاف: "بس كنت دايما بسيبه براحته، لحد لما توفى في صدمة ليا وللجميع.. كنت غالي عليا أوي يا حبيبي، في الجنة إن شاء الله، ربنا يرحمك ويصبرنا انا ووالدتك ووالدك واخواتنا على غيابك وعدم وجودك معانا في البيت، يا ريت كل اللي يشوف الفيديو يدعيله".
وكان قد رحل عن عالمنا كريم صبري شقيق المطرب رامى صبرى يوم الأحد 11يوليو، إثر غرقه فى ترعة المريوطية.
