بالفيديو.. حسام حبيب يوجه الشكر لـ عمرو أديب وإبراهيم سعيد
وجه الفنان حسام حبيب، الشكر لكل من قام بدعمه بعد أزمته الأخيرة، وجاء ذلك من خلال مقطع فيديو قام بنشره عبر حسابه الشخصي على موقع تبادل الصور والفيديوهات "إنستجرام".
وقال "حسام": "شكر خاص جدًا لكابتن إبراهيم سعيد، صديقي وعشرة عمري، يمكن بقالنا كتير متكلمناش لكن عشان اتربينا زمان مع بعض وصحاب من زمان فهو عارف مين حسام الحمد لله، بشكره، أنت بتفهم في الأصول عن ناس المفروض أنها متعلمة".
كما وجه الشكر للمذيعة بسمة وهبة، والمذيع عمرو أديب، وقال: "المذيعة الكبيرة بسمة وهبة، كتر ألف خيرك، أنا مكلمتكيش ولا أنتي كلمتيني بس أنا سمعت من أمي.. أنك فعلًا اهتميتي بنقطة مهمة، هو دا لقاء صحفي ولا تسريب، لا أنا بأكدلك أنه تسريب لمكالمة وأنا هبعتلك الفويس نوت بتاع صاحبة الموقع اللي حضرتك كنتي بتكلميها وبتقول إن احنا عملنا عمل استقصائي وجلنا معلومات إن احنا زقينا عليه حد من 6 شهور عشان يوقعه في الكلام".
واختتم حسام حبيب حديثه، قائلًا: "بشكر طبعًا الأستاذ الإعلامي عمرو أديب على اهتمامه برضو.. وكل الناس مش عايز أنسى حد اللي عارفة أن علاقتي أنا وشيرين أبسط من الكلام ده".
يذكر أنه تم تداول وتسريب مقطع صوتي على "السوشيال ميديا" قيل إنه صوت والد حسام حبيب، قال فيه إن ابنه تزوج شيرين عبد الوهاب كي يحصل على أموالها.
