بعد حديثة عن تجربته مع البهاق.. رامى جمال يتصدر ترند "جوجل"
الأحد 27/يونيو/2021 - 01:19 م
علياء أحمد
تصدر رامى جمال، قائمة الأكثر بحثاً على" جوجل" بعد أن نشر عبر حسابه على إنستجرام"، فيديو له، يتحدث فيه لأول مرة عن تجربته مع مرض البهاق.
وقال" جمال" فى الفيديو: "عشان الناس اللي بتسألني وبتقولي البهاق فين وخفيت إزاي؟ أنا عايز أقول إني مخفتش وأهو البهاق في إيدي أهو، وجنب شفايفي وجنب عيني وفي كل جسمي، أنا الأول لما كنت بشوف نقطة كنت براقبها وكنت بزعل أوي دلوقتي، بحس إنها ميزة لأنها خلتني أشوف حب الناس ودعمهم ليا".
وأضاف: "الحاجة اللي بصور الفيديو عشانها إني عايز أقول لكل أم ابنها عنده بهاق هو معندهوش مشكلة، بس إنتي لازم تربيه إنه ولد عنده ميزة، ربنا ميزه بيها، والميزة دي حاولي تقنعي كل اللي حواليه بيها".
وتابع: " أنا مغني والشكل جزء من شغلي بس بسببكوا بقيت شايف إنها ميزة. أنا لما كنت بصور بوستر ألبومي اللي هاينزل المصور بتاعي بيقولي إيدك فيها حتة باينة قولتله سيبها لأن ده مش عيب، واللي شايف ده عيب ميهمناش، إحنا يهمنا التلاتة أربعة اللي حوالينا وبيحبونا".
واستكمل: " البنت اللي بتقول أنا عندي بهاق وداخله على خطوبة أو جواز وخايفة عريسي يسيبني أنا أهو بقولك متكمليش معاه لو مش قابلك، لأن مشاكل الدنيا أكبر بكتير من شوية ألوان في جسمك. أنا بقولك متتجوزيهوش لأنك مميزة، مفيش عندك مشكلة وممكن أقولك إنه بياض قلبك بان علي جسمك" .
واختتم: " حبوا نعم ربنا، الألوان دي إنتوا مميزين بيها والله اللي عنده بهاق ده مميز، والله أنا بقيت سعيد جدا وإنتوا حررتوني وأسعدتوني بدعمكم".
