أمينة خليل عن تنصيبها سفيرة للنوايا الحسنة: الشغل الجد بدأ دلوقت
الثلاثاء 15/يونيو/2021 - 10:38 م
اميرة عبدالهادي
أعلن صندوق الأمم المتحدة للسكان، اختيار الممثلة أمينة خليل، سفيرة فخرية للصندوق في مصر، وذلك خلال حفل استقبال لمساعد أمين عام الأمم المتحدة إيب بيترسن، نائب المدير التنفيذي لصندوق الأمم المتحدة للسكان، الذي يقوم بأول زيارة رسمية له لمصر منذ تعيينه في هذا المنصب.
وقالت أمينة خليل خلال لقائها ببرنامج ET بالعربي،: "متحمسة قوي ومبسوطة، أشكر الـ UNFPA وكل المؤسسين اللي طلعوا مصدقين فيا ودعموني إني أعرف أوصل لحاجة زي كده. يا رب أعرف أحقق لهم اللي هما نفسهم فيه، واللي أنا نفسي فيه".
وأضافت: "بقالنا كذا سنة بنشتغل مع بعض، وبنحاول نبني الأساس اللي يقدر يوصلني لليوم اللي إحنا فيه. عملنا شوية حاجات توعية كانت بسيطة، بس طبعا الشغل اللي بجد حيبدأ دلوقت."
وعن القضية التي من المنتظر أن تتبناها، قالت: "أنا مش متأكدة بالضبط أنهي قضية حتبناها، ولكن أنا مهتمة جدا بختان البنات، والعنف ضد المرأة، وحقوق الإنسان بشكل عام. إحنا دلوقت حنبدأ دراسات كتيرة ما بيني وبين الـ UN بحيث نقدر نشوف أنهي قضية حقرر أدعمها بالكامل. وطبعا مش معنى إني حدعم قضية واحدة إني مقدرش أدعم قضية تانية."
