حمو بيكا: "الغناء مش بالصوت"
السبت 08/مايو/2021 - 10:26 م
أميرة عبدالهادى
قال مؤدي المهرجانات حمو بيكا، إن أغانيه لا تحرض الشباب على شرب "الحشيش أو أي مخدرات" وليس بها ألفاظ خارجة: "كلمة إنتي بنت ديرتي معناها بنت وحشة، ومش لفظ خارج أو جارح".
وأضاف "بيكا" خلال حواره ببرنامج "لحظات جريئة"، المذاع على شاشة "القاهرة والناس"، أنه ينصح الشباب من خلال أغانيه بعدم المخاطرة بأنفسهم حتى لا يتعرضوا للحبس: "أنا بوعي الشباب والناس، وعاوزهم يبعدوا عن الحبس وشرب الحشيش، حضرتك أنا مش بشرب الحاجات دي، مش بشرب أي مكيفات، ولا حشيش، بشرب سجاير بس".
وأوضح أنه ليس مطربا بل "مؤدي"، متابعا: "المطرب يعني الصوت الجميل، أنا مؤدي مش مغني، وبالتالي أنا مؤدي مش مطرب، جيبوا واحد صوته جميل ويعمل أغنية واحنا نعمل مهرجان، ونشوف مين اللي يفوز".
وتابع: "الغناء ليس بالصوت، بل بالقبول، ناس كتير أوي صوتها جميل ولكن مش عندها قبول قدام الجمهور".
