رئيس مجلس الإدارة
محمود إسماعيل
الإشراف العام
أحمد الهواري
رئيس مجلس الإدارة
محمود إسماعيل
الإشراف العام
أحمد الهواري
ads

إيهاب توفيق يكشف حقيقة سرقة تليفوناته فى فرح بنت فيفى عبده

إيهاب توفيق
إيهاب توفيق
كشف المطرب إيهاب توفيق، عن حقيقة واقعة سرقة هاتفه فى فرح ابنة الفنانة فيفي عبده، وروى التفاصيل قائلا: "رحت فرح بنت فيفي عبده في أحد فنادق مصر الجديدة وكنت معزوم وأول ما دخلت كان فى ترابيزة عليها مجموعة من اصحابي وحطيت التليفونات بتاعتي وبعدين تحركت فى القاعة للسلام على أصدقائي، وبعد ما رجعت ملقتش التليفونات".

وأكد "توفيق" خلال حواره ببرنامج “شيخ الحارة والجريئة” المذاع على قناة القاهرة والناس، أنه اعتقد فى البداية أنها دعابة من أحد الحضور ولكن مع مرور الوقت شعرت بالقلق، مضيفا: "فيفي عبده حست بحركة فقلت لها وسابت الفرح وقعدنا نلف ندور على التليفونات".

وتابع: "الكينج محمد منير كان بيغني فى الفرح وحاطط تليفوناته على نفس ترابيزتي وبعد انتهاء فقرته اخذ كل الهواتف بتاعته وبتاعتي ومشي، وأنا قلت التليفونات اتسرقت، وبعد حوالى نص ساعة تدوير لقيت مدير أعمال محمد منير مرجع التليفونات وبيوضح سوء التفاهم، وكانت ليلة قلبي وقع فيها".