حمو بيكا للأطباء والمهندسين: "مش ذنبى إنى نجحت وإنتوا لا.. شغلوا دماغكم علشان تبقوا زيى"
الإثنين 03/مايو/2021 - 09:21 م
أميرة عبد الهادي
رد حمو بيكا مغني المهرجانات الشعبية على التعليقات التي يدعي أصحابها أنهم أطباء ومهندسون ويقولون إنهم لم يحصلوا على الأموال التي يحصل عليها، معقبا: "شغلوا دماغكم عشان تنجحوا زيي".
وقال "بيكا" خلال حواره ببرنامج "لحظات جريئة" المذاع على قناة القاهرة والناس: "ركز في شغلك، أنت أهلك صرفوا عليك خلوك راجل متعلم، أنا رجل شقيت، كنت بأشقى وأتعب وأنام على الرملة وأنت بتنام على فرشتك، وأهلك صرفوا عليك".
وتابع: "مش ذنبي إني نجحت وحضرتك لا، شغلوا دماغكم، عشان تحققوا نجاح زيي، فيه مثل بيقول اللي يبص على عيشة الناس، تحرم عليه عيشته، واحمدوا ربنا إن أهلك صرفوا عليك وبقيت مهندس أد الدنيا، لأني بدأت حياتي من الصفر، واتمرمطت في التراب".
