عمرو مصطفى: "مستحيل أخون الإيد اللى اتمدت لى وساعدتنى"
الأربعاء 28/أبريل/2021 - 09:48 م
أميرة عبدالهادى
قال الملحن والمطرب عمرو مصطفى، إنه يفضل التحفظ في الحديث عن حياته الشخصية، مؤكدًا أن علاقته بزوجته عمرها 18 عامًا، ومن الطبيعي أن تمر بفترات مختلفة، مضيفًا: "مراتي مش بتزعل مني، وفيه حاجات ما بينا، ولكنها بتعدي".
وأضاف خلال حواره ببرنامج "العرافة" المذاع عبر فضائية "المحور": "مبحبش الكلام عن الحاجات الحلوة.. وبشوف الناس اللى بتكشف عن علاقتها الحلوة قدام الناس بينتهي بالطلاق والانفصال بسبب العين والنبر".
وتابع: "مستحيل أخون الإيد اللى اتمدت لي وساعدتني في يوم من الأيام، وفيه ناس في حياتي اديتها فرص لـ20 سنة.. كل يوم كنت بديه فرصة، ولكن بعد استنزاف كل الفرص برجعه للمربع صفر، وناس كتير قطعت معها وأعدتها للمربع صفر، وهذا المربع ممنوع فيه الوصول ليا تاني.. دون التفكير في الانتقام".
