أول رد من تامر عاشور بعد الهجوم عليه بسبب مريضة السرطان!‎

وخرج "عاشور" عن صمته ليرد بمنشور جديد عبر حسابه الرسمى قائلاً : "صباح الخير- انا طول حياتي ومشواري عمري ما اتريقت على حد سليم علشان اتريق على مريض حاش لله - واللي اخد كلامي تريقه على مريض نفوسهم ضعيفه وهم اللي مرضى بيفرقوا بين المريض والشخص الطبيعي".

   

لو نزلت صورتي مع اي طفل "اللي هو غير مُكلف بالصيام" وقولتله بأي طريقه "متشربش مياه قدامي يا فاطر" أو "خد دي يا فاطر أنا صايم"

حد هيتكلم؟ مستحيل علشان طفل طبيعي".

 

وتابع قائلاً: "لكن المريض لاااااا منهزرش معاه زي الطبيعي علشان هو مريض ونفضل نقوله مريض مريض مريض ونحسسه بمرضه من تعامولاتنا - المرض الحقيقي هو التفرقه بين اطفالنا اللي بصحه جيده ربنا يديهم كل الصحه واطفالنا اللي ربنا اختارهم للمرض".

واردف: "المرض الحقيقي هو إن فكره "المعايره" جاتلك قبل ١٠٠ فكره تانيه ممكن تجيلك من جمال البنت وضحكها وبهجه الصوره.. وللأسف شوفت كمان حاجه غريبه جدا.. ناس كتير قوي محسوبين على "هامش هامش هامش المجال الفني" عمرهم ما شافو مني حاجه وحشه غير اني مباديهمش مواعيد لاقيتلهم تعليقات كأنهم ما صدقوا لاقولي غلطه وانصحهم "العمر بيجري حاولو تعملو حاجه لنفسكم أولى".

واختتم قائلاً :" البنت اللي في الصوره فضلت ف حضني طول  تصوير  الاعلان وبحبها جدا  جدا ومتفقين أنا وهي على حاجات كتير قوي قوي هنعملها".