شيكو: انتظروا الجزء الثالث من مسلسل "اللعبة"
الإثنين 26/أبريل/2021 - 01:56 م
جهاد محمود
قال الفنان شيكو ان تريند افكاره مكون من الشغل و الاكل و العربيات ، و بحاول انقل من بيتى و بقالى ٣ سنين بشطب ، لان فى حاجة جوايا مش عاوزانى انقل من عند اهلى .
وتابع شيكو باذاعة الشرق الاوسط ، ان اكتر ممثل بيضحكه الفنان فؤاد المهندس و و الفنان سمير غانم ، و من زملائه احمد مكى و هشام ماجد و محمد سعد و قعدتنا مع بعض بتبقى كلها ضحك ، و تعليقات الجمهور على السوشيال ميديا اصبحت تمثل تحدى لينا كممثلين كوميديا لانها بتضحك جداً ، و عبقرية لان انت ممكن تعمل تعليق على صورة بكلمة واحدة على صورة فى السوشيال ميديا و تنتشر فى مصر كلها و تضحك الناس .
و تابع شيكو ان وش الغضب بتاعى مفيش ايمودج من اللى موجودة تعبر عنه لانى طيب جدا لحد ما اتنرفز ، و انا بكره الغباء فى كل حاجة و ده اللى بينرفزنى ، و انا بتخانق كتير فى الشارع بسبب غباء فى قيادة السيارات ، يعنى مثلا بكره ظاهرة دلوقتى الناس اللى بتحب تسبق متر فى الاشارة .
و اشار شيكو انه من المواقف التى لا ينساها فى ٢٠٠٦ كان هشام و فهمى بيعملوا مسلسل صغير مع محمد حفظى و انا كنت رافض التمثيل و كنت شغال مهندس ، و فاكر القعدة اللى قعدوها معايا يقنعونى انى امثل ، كانت لحظة فارقة فى حياتى .
و اكد شيكو ان باسورد اسراره مع اصحابه و هناك جزء فى حياته مش بيحكيه لحد ، و اكتر مكان بحبه لوكيشن التصوير لدرجة انى بروح اللوكيشين و انا معنديش تصوير .
و اشار شيكو انه بيصور حاليا فيلم ، و هيصور الجزء الثالث من مسلسل اللعبة والذي حقق نجاح كبير ، و ردود فعل العائلات و ازاى المسلسل اطفالهم بيحبوه هو اللى شجعنا نعمل الجزء الثانى و الثالث .
