أول رد من "المهن التمثيلية" على مشاركة عمر كمال فى "بين السما والأرض"
الأربعاء 17/مارس/2021 - 12:38 م
أميرة عزالدين
أعلن المخرج ماندو العدل، منذ قليل عبر حسابه الرسمى بموقع التواصل الاجتماعى فيسبوك، عن مشاركة مطرب المهرجانات عمر كمال فى مسلسل "بين السما والأرض"، بالموسم الرمضانى المقبل.
وبعد دقائق من نشره لصورة تجمعهما بالكواليس، أوضح أن الدكتور أشرف زكى نقيب المهن التمثيلية تواصل معه ليخبره بأن عمر كمال غير نقابى، مشيرًا إلى أنه لم يكن يعلم، ولكن ما أثار تعجبه هو رفض الكثيرين وغضبهم من تمثيله، قائلاً: " تواصل معايا د. اشرف زكي و بيقولي ان عمر كمال عنده مشكلة انه مش نقابي و انا كنت فاهم انه مقيد في نقابة الموسيقيين .. هشوف ممكن اعمل ايه لكن الغريب هو كم الزعل من الخبر ان عمر كمال يمثل .. علي فكرة احمد عدوية و حسن الاسمر و حكيم مثلوا و شعبان عبد الرحيم الله يرحمه مثل مع استاذ داوود عبد السيد و مكانش فيه مشكلة يعني .. اما الناس اللي بتقوللي ان انا منفذتش وعدي وقابلت الناس في casting .. .. احنا جالنا اكتر من ٧ الاف شخص عايز يمثل .. سامع الرقم .. ٧ الاف .. و انا مش مسؤول ان فيه ناس اتصلت و مكتب ال casting مردش عليهم .. ده غير ان معايا اكتر من خمس ممثلين خريجين معهد فنون مسرحية و ووجوه جديدة مش خريجين المعهد و بيمثلوا لاول مرة ..انا طول عمري قد كلمتي و اللي يعرفني يعرف كدة كويس مش مطلوب مني اقدم كشف باللي اختارتهم من ال casting عشان سيادتك متتهمنيش اني بعمل show".
"بين السما والأرض"، بطولة: هاني سلامة، غادة عادل، يسرا اللوزي، أحمد بدير، سوسن بدر، محمد ثروت، محمود الليثي، نجلاء بدر، ندى موسى، تأليف إسلام حافظ وإخراج محمد العدل ومن إنتاج سينرجي.
تواصل معايا د. اشرف زكي و بيقولي ان عمر كمال عنده مشكلة انه مش نقابي و انا كنت فاهم انه مقيد في نقابة الموسيقيين .....
Posted by Mohamed El Adl on Wednesday, March 17, 2021
