روجينا عن أحلام الجريتلى: كان عندها قلب بيحب الكل
الإثنين 01/مارس/2021 - 06:09 م
علياء أحمد
حرصت الفنانه روجينا، على نعى الفنانة أحلام الجريتلي، التي رحلت عن عالمنا مساء الأحد، عن عمر ناهز الـ70 عاما، آثر أزمة قلبية.
ونشرت "روجينا"، عبر حسابها على "إنستجرام"، صورة أحلام الجريتلي، وكتبت: "جمعتنا كواليس كتير وأدوار كانت فيها عظيمة، أمى أو حماتى؛ سلطان الغرام بين السرايات الاسطورة واخيرا البرنس.. كنت بطمن معاها عشان كان عندها قلب بيحب الكل ودائما وأبدا يجمعنا الحب ودايماعندها طاقة إيجابية وحب للتمثيل وكأن هى دى الحياة".
وتابعت: "بتحب تحكى عن ذكريات الشغل وأدوارها اللى بتصورها، لما عملنا المشهد اللى بينا فى البرنس اللى بقول لها هرميكى من الشباك، لما خلصنا باستني وقالتلى شاطرة، قولتها عشان قدامى ممثلة عظيمة اسمها أحلام الجريتلي".
أوضحت: "كانت عظيمة وعمرها ماحست بعظمتها، هتفضلى باقية بأدوارك اللى أثرت فينا وفى جمهورك وبسيرتك الحلوة، اللى اتعلمت منها أنك قبل ماتكون فنان الاهم تكون إنسان. الله يرحمها ويغفر لها ويسكنها فسيح جناتة اسالكم الدعاء بالرحمة والمغفرة".
