بالفيديو.. دينا تبكى فى أول ظهور لها بعد تعافيها من كورونا
قامت الفنانة والراقصة الاستعراضية دينا، بنشر مقطع فيديو لها عبر حسابها الرسمي بموقع التواصل الاجتماعى انستجرام، تحكى من خلاله تجربتها مع فيروس كورونا.
وأوضحت خلاله : "أول حاجة حرصت عليها بعد التعافي رؤية أمي وبعدما اكتشفت أن المسحة سلبية وأنا بشوف أمى حسيت إن في جايزة كبيرة، مش حاجة عادية، وشكرًا لكل الدعم اللى خدته، ولولا أصحابى وأهلى، ما كنىش خدت الدفعة الجامدة جدًا، اللى وصلتلها، لأن الكلام ده قومنى من اللى أنا فيه، وأول حد بشكره أمى، اللى ما رضيتش تسيبنى ولا تسيب البيت، وفضلت قاعدة معايا طول الوقت، أنا اللى كنت خايفة عليها وهى ما كنتش خايفة".
وعلقت على الفيديو قائلة :" الحمدلله دائما وابدا الشكر لربنا اولا و لكل اصدقائي، تحليل الكورونا بعد اسبوعين من العزل نيجاتيڤ كل الشكر و الامتنان لحبايبي و اصدقائي على دعمهم و اهتمامهم. و شكر خاص الدكتور بيجاد للفنانة القديرة نبيلة عبيد والشيف مى يعقوبى، والاعلامية سهير جودة.