مي حلمي توضح حقيقة إصابتها بجلطة
علقت الإعلامية مي حلمي، على الأخبار المتداولة بشأن إصابتها بجلطة ودخولها المستشفى عقب إلغاء حفل زفافها على المطرب محمد رشاد، بسبب الخلاف القائم على قائمة المنقولات.
ونشرت "حلمي" عبر حسابها الشخصي بموقع تبادل الصور والفيديوهات "إنستجرام"، بيانًا قالت فيه: "شكرًا لكل الناس اللي بتحبنا والزملاء اللي اطمنت عليا وسألت عني، قبل أي حاجة أنا ما جاليش جلطة الحمد لله ولا الكلام دا، مجرد ضغط نفسي وانسداد في الشعب الهوائية، بقالي كام يوم أكيد بسبب اللي حصل ودا وارد بين أي طرفين".
وأضافت: "مشاكل حياتنا الخاصة تخصنا لوحدنا واحنا قادرين نحلها بكافة الطرق لأن حياتنا إحنا وكشخصيات عامة محدش له يدخل ويتكلم ويحلل ويقول ضريبة الشهرة، لأ حياتنا الخاصة مش للشهرة".
واختتمت حديثها قائلة: "ويا ريت نتعلم من الأمثال اللي ليها حكمة، العروسة للعريس والجري للمتاعيس، في الآخر اللي داخل خارج بين البصلة وقشرتها عمركوا ما شفتو بصل من غير قشر مش هينبكم غير إن اللي قال كلمة وحشة هتقعدله وهيبقالنا الحلو كل".
