دينا الشربيني ورانيا يوسف يبدآن موسم الاعتراف بالحب‎

نفت الفنانة رنيا يوسف خبر ارتباطها، خلال وجودها في مهرجان أسوان للمرأة في دورته الثامنة، إذ قالت: "مش بعيش قصة حب جديدة، ولكن أنا معجبة بشخص معين، وبالمناسبة أنا بحس بالإعجاب تجاه ناس كتير يمكن كل يوم، زي جورج كلوني وممثلين كتير جدًا، ولو هتجوز أكيد هقول".

 وفي أحد التصريحات التلفزيونية أكدت رانيا يوسف هذا الأمر قائلة: "أنا كنت قافلة الباب تماما لحد من 3 أو 4 اشهر، كنت مقررة إني مش هتجوز ولا هحب وده عشان نفسي كانت مسدودة من كل اللي شايفاه قدامي من علاقات فاشلة".

 

وأضافت رانيا يوسف قائلة: "لكن دلوقتي فيه إعجاب متبادل مع شخص، مواصفاته إنه متواضع جدًا، مكافح في حياته وبدأ من الصفر، وهو أب لـ ابن وحيد، ومطلق لكن واخد باله من ابنه وصديق لطليقته كويس، وعلاقتهم صحية، هو أكبر مني بـ 4 سنين، مش هلبس فستان فرح طبعا لأني بكره كل التقاليد دي".

أعلنت الفنانة دينا الشربيني ارتباطها بشخص من خارج الوسط الفني، ويدعى "حسين"، وكشفت الشربيني، في حديثها مع الإعلامية لميس الحديدي خلال برنامج "كلمة أخيرة"، قائلة "أنا بعيش قصة حب مع شخص بحبه جدا وجدع جدا وبحترمه للغاية، وبان أصله وقت فقدان أبي وأمي لأني من وقتها لسه مش مستوعبة رحيلهما".

وكشفت عن أنه شخص مصري من خارج الوسط يعمل في مجال "البيزنس" ويجمعهما أصدقاء مشتركون، وتابعت: "هو محترم وبيراعي ربنا ومتدين وجدع ولذيذ عاوز يعمل كل حاجة كمشاعر ودعم من دون أن يظهر في الصورة، دائما بيبقى عينه عليا من بعيد".

وعن عدم ظهوره معها أكدت أنه يحب الابتعاد عن الأضواء، قائلة: "احنا شبه بعض في حاجات كتيرة بس مش بيحب الأضواء، ودي الحاجة الوحيدة اللي عكس بعض فيها، جايز في البداية كان مخضوض ومش فاهم لكن دلوقتي فهم".