ليلى عبداللطيف: لي سر عند رب العالمين.. ومش عايزة ألجأ لشيخ
الخميس 21/مارس/2024 - 10:02 م
ليلي عبداللطيف
جيجي محمود
كشفت عالمة الفلك ليلى عبد اللطيف، عن سبب سعيها لمقابلة الشيخ الشعراوي بجانب كشف تفاصيل معجزة شفائها بعدما كانت على حافة الموت على حد تعبيرها.
وقالت في حوارها مع الإعلامية بسمة وهبة في برنامج العرافة، المذاع عبر شاشة قناة النهار: سعيت أقابل الشيخ الشعراوي لأني تعبت وعايزة أعرف إيه اللي عندي ومعرفتش أقابله أنا ليا سر عند رب العالمين ومش عايزة ألجأ لشيخ.
أما عن معجزة شفائها فقالت ليلى عبد اللطيف: الدكتور قال لوالدتي إني هموت وكان وزني 37 كيلو وشُفت واحد داخل الأوضة وأنا بين الحياة والموت وكان معاه قطنة فيها ماية ووضعها على فمي وكنت بحاول أنادي على أختي صوتي مكنش طالع وبعد ساعتين راحت الحرارة وكل حاجة وخفيت والدكتور قال دي معجزة عند ربنا.
وعن المشهد الآخر الذي لن تنساه في حياتها قالت: أنا عندي 11 سنة لما كنت في دار الأيتام كان في قفص في المطبخ ونزلت في الليل وجبت برتقالة علشان أكلها إيدي اتخربشت ولاقيت الناظرة خدت البرتقالة من إيدي وطلعتني وأنا ببكي وسمعت حد بيعيط وبينادي عليا ولاقيت برتقالتين على السلم.
